Balioa duen Ogia–Elkarhezi proiektuak Araba Ekinean antolatutako azokan parte hartu du, Vitoria-Gasteizko Santa Barbara plazan. Proiektuaren ardatza glutenik gabeko ogien elaborazioa izan da, lau negozio ideien barruan garatua: BiziOn (produktu dietetiko eta osasuntsuen negozio ideia), YUMMI (glutenik gabeko produktuen food truck-a), GUNOGI (glutenik gabeko okindegia) eta G-FREE (glutenik gabeko produktuen denda espezializatua).

Bigarren mailako Okigintza, gozogintza eta konfiteriako ikasle taldeak Farmazia Fakultatera joan ziren, Gamarra ostalaritza eskolako tailerrean egindako gluten gabeeko ogi lagin batzuk aztertzeko. Fakultateko laborategian, Elikagaien Zientzia eta Teknologia graduko ikasleekin batera, glutenaren detekzioaren analisi kualitatiboa egin zuten.