Proiektuaren helburua adimen artifiziala eta teknologia berriak erabiltzea da Lanbide Heziketako ikastetxeetako sukaldeetan sortzen diren hondakin organikoak identifikatzeko, sailkatzeko eta aprobetxatzeko.

Materialak ezagutzeko sistemak eta sentsoreak dituen konpostagailu adimendun baten bidez, elikadura-hondakinak aztertu eta horien erabilera posibleak ikertu nahi dira: nekazaritzarako konposta ekoiztetik hasi eta beste sektore batzuetan, hala nola kosmetikan edo produktu jasangarri berrien garapenean, erabil daitezkeen lehengaiak lortzeraino.