Gamarra Ostalaritza Eskolak TASTE Erasmus+ KA220-VET Europako proiektua koordinatzen du. Proiektuaren helburua gastronomiako Lanbide Heziketa eraldatzea da, elikadura-teknologia berriak, jasangarritasuna eta gizarte-inklusioa uztartuz.

Proiektuak arreta berezia jartzen du adineko pertsonen eta irensteko zailtasunak (disfagia) dituzten pertsonen beharretara egokitutako elikagaiak eta errezetak garatzean, haien elikadura-esperientzia, autonomia eta bizi-kalitatea hobetzeko.

Espainiako, Suediako, Bulgariako eta Turkiako hezkuntza-zentroen eta erakunde espezializatuen arteko lankidetzaren bidez, TASTEk errezeta inklusiboak sortzea, 2D elikagai-inprimaketa bezalako teknologia berritzaileak erabiltzea, elikagaiak hobeto aprobetxatzea eta Lanbide Heziketako irakasle eta ikasleentzako sei prestakuntza-modulu garatzea sustatuko du.