CE-LABS Lanbide Heziketako Europako proiektu bat da, berrikuntza, jasangarritasuna eta Europako gastronomia-kultura sustatzea helburu duena, alkohol-graduazio baxuko artisau-garagardoak elkarlanean garatuz eta Europako plater tradizionalekin uztartuz.

Proiektuak ikerketa aplikatua, gastronomia, hartzidura jasangarria, analisi sentsoriala, digitalizazioa eta nazioarteko lankidetza uztartzen ditu. Honako produktu hauek garatuko dira:

• Artisau-garagardoak, gertuko lehengaiekin eginak eta alkohol-graduazio baxukoak.
• Europako gastronomiako plater tradizionalen errezeta-bilduma, gaur egungo joeretara egokituta eta garagardoekin uztartzeko proposamenekin osatua.
• Material digitalak, proiektua aurkezteko eta zabaltzeko.