Albisteak

FER-RHEU proiektua: Proiektuaren nazioarteko hirugarren topaketa GAMARRAn

Irailaren 24an eta 25ean, Gamarrako Ostalaritza Eskola FER-RHEU (Reinforcing the Health of Rheumatic Patients Through Homemaking Traditional Fermented Foods) proiektuaren hirugarren TPMaren egoitza izan da, Erasmus+ programak finantzatua.

Gasteizera Turkiako eta Errumaniako lankide taldeak etorri dira, eskolako taldearekin batera, gaixotasun erreumatikoak dituzten pertsonen bizi-kalitatea hobetzea helburu duen proiektu baten azken fasean lan egiteko. Hiru herrialdeotako jaki hartzitu tradizionalen etxeko elaborazioa berreskuratu eta zabaltzen du proiektu poiektu honek.

Bi egun hauetan, proiektuan zehar sortutako material guztiak batera berrikusi ditugu bazkideok. Proiektuan sortutako edukien indarguneak eta hobetu beharreko alderdiak aztertu ditugu eta, behin betiko itxi aurretik, hobetzeko proposamenak adostu ditugu. Topaketak esperientziak partekatzeko, sukaldaritzako tradizioak kontrastatzeko eta parte hartzen dugun erakundeon arteko lankidetza-loturak indartzeko ere balio izan du.

Bilera honekin, FER-RHEUk bere azken txanpari aurre egingo dio. Laster, behin betiko materialak eskuragarri egongo dira pazienteentzat, familientzat, profesionalentzat eta gure tradizioei hain lotuta dauden elikagai horiek egunerokoan txertatzeko interesa duen edonorentzat.

Gamarrako Ostalaritza Eskolatik eskerrak eman nahi dizkiegu Turkiako eta Errumaniako gure bazkideei euren bisitagatik eta inplikazioagatik. Atsegin handiz hartu ditugu gure etxean.

Enlaces y documentos
    Partekatu Sareetan:
    Síguenos:
    Jarraitu:
    Back To Top