Albisteak

GAMARRAKO OINARRIZKO LANBIDE HEZIKETAKO IKASLEAK LAN PRAKTIKALDIAN ITALIAN

Joan den larunbatean, Oinarrizko Lanbide Heziketako 3 ikasle Bergamora (Italia) joan ziren praktikak hiri horretan egiteko. Praktikaldiak 2 hilabete iraungo du, eta ikasleei Italiako iparraldeko ospe handiko jatetxeetan zuzenean trebatzeko aukera emango die. Ibilbide honetan, lanbide-esperientzia bat, hazkunde pertsonalerako bizi-ikaskuntza garrantzitsu bat eta balio handiko kultura-esperientzia bat konbinatuko dituzte. Zorte on eta disfrutatu!

Erasmus+ programak atzerrian egiten dituen praktikak prestakuntza-egonaldiak dira, eta, kasu honetan, Lanbide Heziketako ikasleei aukera ematen diete Erasmus+ programan parte hartzen duen beste herrialde bateko enpresa edo erakunde batean praktika profesionalak egiteko.

Bere helburua enplegagarritasuna hobetzea, gaitasun profesionalak garatzea, hizkuntzen ikaskuntza indartzea eta nazioarteko esperientzia sustatzea da. Enpresako praktikek 2 eta 3 hilabete bitartean iraun dezakete normalean, eta Europar Batasunaren laguntza ekonomikoa dute egonaldi-gastuetan laguntzeko.

Beka hauek Ikaslan Mobility-k eman ditu, eta asko eskertzen diegu gure ikasleei eman dieten aukera. Loreak, Ugaitzek eta Diegok egonaldiaz asko gozatzea espero dugu, Italian trebatzen diren bitartean.

Praktika horiek ikasleen errekonozimendu akademikoaren parte dira, eta Gamarrako Ostalaritza Eskolak nazioartekotzearen alde duen konpromisoa indartzen dute.

Dokumentu eta loturak
    Partekatu Sareetan:
    Síguenos:
    Jarraitu:
    Back To Top