FAZLA proiektua hasi da
Gaur, Tknikarekin lankidetzan, Gamarran FAZLA balantza adimendunaren testatze-proiektua martxan jarri dugu. Proiektuan Sukaldaritza eta gastronomiako 2. mailako A eta D taldeetako ikasleek parte hartuko dute.
Ekimenaren helburua gure eskaintza gastronomikoaren ondorioz jantokian sortzen den elikagai-xahuketari buruzko datu objektiboak biltzea da, FAZLA enpresarekin elkarlanean. Bildutako informazioari esker, hondakinak hobeto ezagutu eta aztertu ahal izango ditugu, eta etorkizunean horiek murrizteko neurriak proposatu.
Proiektuak, gainera, ikasleen jasangarritasunarekiko eta elikagai-xahuketaren prebentzioarekiko sentsibilizazioa indartzea du helburu, teknologia eta benetako datuak ikaskuntza-prozesuan txertatuz.
Eskerrik asko Roberto, Oskar eta, bereziki, super Jokin, proiektua martxan jartzen laguntzeagatik!